Nagtitipon ti ginasut a tattao iti Millennium Park iti Chicago tapno iduron ti nalatak a Cloud Gate sculpture wenno ad-adda nga am-ammo iti awag a The Bean.
Sakbay iti daytoy, adda dagiti naiwaras a flyers iti lawlaw ti siudad ken naipost pay iti online no sadinno a nakasurat ditoy a kasapulan nga iduron da ti The Bean iti kaadayo a 7 a pulgada.
In-share ni Taylor Bennett, ti Chicago promoter ken entertainer, ti video iti naisayangkat nga aktibidad a nangideklararanna ti panagballigi na.
Inlawlawag ni Benneth a daytoy ti damo a naigaraw ti nasao nga sculpture.
Mainaig iti daytoy, inrakurak ni Saniyah Whaley, iti School of the Art Institute of Chicago a mapatta-patta nga umabot iti 250 a tattao ti nagtitinnulong a nangiduron ti The Bean.
Ti Cloud Gate, nga inaramid ni artist Anish Kapoor, ket nainstolar idi 2004.
