Pinagsisina dagiti Zoo Keepers ti Lincolnshire Wildlife Centre iti pagilian nga England ti lima nga African grey parrots kalpasan ti kanayonda a panagsao ti dakes ken pagkakatawaanda dagiti bisita.
Nagrugi daytoy nga aramid da Billy, Erix, Tyson, Jade, ken Elsie idinto a nagtitipon dagitoy iti quarantine sakbay a maiyakar ken makilangenlangen iti pada da a billit.
Nadlaw dagiti keeper a no nagsao ti dakes ti maysa kadakuada ket sumaruno ti maysa ken ditoy nga aggigiddan da nga agkatawa.
Ad-adda pay a maal-allukoy dagitoy nga agsao ti dakes no agkatawa wenno makigtot dagiti bisita a makangngeg kadakuada.
Nupay kasta, nagdesision ti zoo a pagsisinaen ti lima a billit tapno saanda nga agtitinnulad ken saan a mangngeg dagiti ubbing dagiti dakes nga isasao da.
