LAOAG CITY – Natay dagiti dua a mannalon iti Glammang River, Barangay Anggas, Alabel, Sarangani Province, kalpasan ti panangiwayatda ti maysa a ritwal nga adda pakainaiganna iti saanda a panagkinnaawatan iti daga.
Dagiti biktima ket agtawen 69 ken 49, ken agpada dagitoy a residente iti Barangay Datal Anggas.
Basar iti impormasion, napagsaritaan dagiti dua nga aramiden ti maysa a ritwal idi Oktuubre 16 tapno maresolbar ti saanda a panagkinnawatan iti daga.
Iti impormasion a naala ti Bombo Radyo, nagbayag dagiti dua iti uneg ti danum iti sumurok 10 a minutos a nangitunda ti pannakalmesda.
Kalpasan iti daytoy, insigida a naitaray dagiti dua iti maysa nga ospital iti Geeral Santos City ngem apaman ti idadanonda iti balay pagagasan ket naideklarar dagitoy nga awan ti biagdan.
