LAOAG CITY – Agtultuloy ti pannakaimplementar dagiti programa a mangpapintas ti pasilidad, ramit ken serbisio ti Laoag City General Hospital.
Segun ken ni Dr. Yolanda Madamba-De Silva, Officer-in-charge ti Laoag City General Hospital, adda baro a medical equipment a naipaay iti ospital kas ti Artificial Intelligence wenno AI-powered CT scan.
Innayonna pay nga addan to Autoclave Machine a mausar ti pannaka-sterilize dagiti maus-usar a ramit ti operasion tapno agbalin a natalged dagiti pasiente.
Malaksid iti daytoy, manamnama ti pannakaipaay ti ti anesthesia machine ken endoscopy equipment a dakkel a pakalag-anan dagiti pasiente.
Inbatadna a mapapintas ti laboratoryo ti ospital para ti al-alisto a pannakaala ken resulta ti specimen a dakkel a tulong kadagiti pasiente.
Kabayatanna, inpannakkelna ti nagduduma a serbisyo a manarimaan a maimplementar kas ti Yaman ng Kalusugan wenno YAKAP program PhilHealth a tulong medical kangrunaan ti agas para kadagiti pasiente.
Dakkel pay a nagapuanan ti Laoag City General Hospital gapu ta manipud ti 50 a bed capacity ket nagbalinen nga 80 bed capacity ken kasta payen ti naalisto a pannakataming dagiti pasiente ti emergency room.
