LAOAG CITY – Maisayangkat iti umuna a lawas ti bulan ti Setiembre ita a tawen ti one-year accomplishment report ti Laoag City Government para iti administrasion manipud Hulio 2025 agingga iti agdama a tawen.
Segun ken ni Laoag City Mayor James Bryan Alcid, iparangna iti report dagiti naaramid a programa ken proyekto ti lokal a gobierno ditoy siudad ti Laoag, kas ti panagdur-as ti revenue ditoy suidad maidilig iti revenue idi napalabas a tawen.
Kadagiti kangrunaan nga accomplishment, naikabil ti panagpasayaat iti serbisio iti Doing Business ken dagiti kiddaw dagiti umili, agraman ti pannakaipasdek dagiti solar lights iti sentro ti siudad.
Kabayatanna, inbatadna a napasayaat pay ti serbisio ti Laoag City General Hospital wenno LCGH kangrunaanna iti lobby, ramps, banyo ken dagiti dadduma pay nga equipment wenno ramit a pangraming .
Malaksid iti daytoy, innayon ni Mayor Alcid, a bimmasiten dagiti reklamo dagiti pasiente no idasig iti napalabas, bayat nga agtultuloy pay ti panangpasayaat iti imprastraktura ken serbisyo ti nasao nga ospital.
