LAOAG CITY – Inbatad ni Vice Mayor Remigio Medrano iti ili ti Sarrat nga addaanen license to operate dagiti baro a health-care facilities iti ilida pakairamanan ti animal bite center ken ti pannakaipapintas ti birthing facilities-da.
Segun kenkuana, saan laeng nga agpatingga ti pannakaipasdek ken panag-operate ti sumagmamano nga health-care facilities-da no di ketdi manarimaan pay ti panangisimpada dagiti dukomento tapno maaddaan met ti lugarda ti pasilidad para iti ultrasound center a para kadagiti masikog.
Kabayatanna, maiprosproseso met dagiti naruay a dukomento para iti pannaka aprobar ti license to operate dagiti sumagmamano pay a pasilidad kas kuma ti baro a parmasiya ti nasao nga ili ken ti dialysis center para kadagiti agsagsagaba ti sakit a cancer.
Inlawlawagna nga importante ti pannakapaadda ti parmasiya ti lugar ta ditoy ket mabalin a mausar dagiti agkasapulan ti agas nga kailianda ti programa ti PhilHealth a YAKAP wenno iti Yaman ng Kalusugan Program.
Iti agdama, inpakaammo ti bise mayor a manarimaan ti pannakaiplastar dagiti website developer-da iti maysa a website no sadinno a napaspaspas ti panag register dagiti umili iti YAKAP.
Kabayatanna, mangnamnama ti bise mayor a dagitoy a pagprogresoan ti ili mainaig ti salun-at ket gundawayan dagiti umili para iti nasaysayaat a benepisio ken pannakatamingda.
