LAOAG CITY – Inpakaammo ni Dr. Arlene Ragasa, Chief of Hospital ti Gov. Roque Ablan Sr. Memorial Hospital (GRBASMH) a nakasaganan para kadagiti kailian ditoy probinsia kalpasan ti inagurasion daytoy.
Nupay kasta, inlawlawagna a maiyururay pay laeng ti License to Operate (LTO) manipud ti Food and Drug Administration (FDA).
Kunana nga apaman a maawatda daytoy ket ipakaammo da a dagus iti publiko.
Kabayatanna, inburay met ni Gob. Cecilia Araneta Marcos ti panagyamanna iti Department of Health (DOH) kangrunaan ken ni Regional Director Paula Paz Sydiongco ti region 1 iti agtultuloy a suportada gapu ta kalikagum ti Provincial Government of Ilocos Norte (PGIN) a mangipangato iti level ti GRBASMH.
Innayon ti gobernadora a iti babaen ti baro a laboratory building ti hospital ken iti inpaay ti Department of Helath (DOH) a baro a CT Scan ket adadda pay a mapasayaat ti maawat a serbisio dagiti mapan iti nasao nga hospital.
Kabayatanna, mangnamnama ti Gobernador nga iti babaen ti pannakikinnamayet ti PGIN ken ti DOH ket maipasigurado a ti napintas kalidad ti serbisio pangsalun-at, alisto a magun-ud, ken kabaelan ti tunggal maysa no sadinno a mabalin a gundawayan dagiti amin a kakailian.
