LAOAG CITY – Nagpakdaar ti Food and Drug Administration (FDA) iti publiko mainaig kadagiti maipawil a beauty ingredients.
Inpakaammo ti ahensia nga adda dua a cosmetics product a nadiskobre a naglaon ti maipawil wenno ‘banned’ ingredients a mabalin nga makairisgo kadagiti konsumer.
Basar iti ahensia a dagiti cosmetic products ket naglaon ti maipawil nga ingredients a Tretinoin and Hydroquinone kalpasan ti laboratory testing-da kas paset ti post-marketing surveillance activities-da.
Inbatadda pay a ti posible a side effects ket skin, eye, and respiratory irritation, hypersensitivity wenno allergic reactions, increased sensitivity to ultraviolet (UV) radiation, exogenous ochronosis, reproductive and developmental toxicity, ken potential carcinogenic and genotoxic effects.
Binilin ti Food and Drug Administration (FDA) dagiti regional field offices, regulatory enforecement units, local government units ken law enforcement agencies tapno masigurado a saan nga available iti merkado ti apektado a stocks iti sakup da.
Binalakadanda dagiti publiko a bisitaen ti website ti Food and Drug Administration (FDA) ken i-navigate ti eSumbong section tapno agreport ti aniaman a sale, distribution, complaint, wenno adverse event involving the use of violative cosmetic products.
