Umabot iti 7 nga indibidual ti natay kabayatan a nasurok 100 ti na-injure iti maysa a train crash iti paset ti Egyptian city iti Giza.
Basar iti otoridad ti nadakamat a pagilian, ti nagdinnungpar dua a tren nga agturong ti abagatan manipud Giza ken Cairo, a nangitunda ti pannaka-de-riles wenno pannakairuar ti riles ti sumagmamanoo a kariahe ken pannakatnagna iti embankment.
Gapu iti daytoy, inbilin ni Egyptian President Abdul Fattah al-Sisi ti otoridad ti estado nga imbestigaran ti aksidente ken pagsungbaten ti siasinnoman a maduktalan a negligent wenno pabaya.
Malaksid iti daytoy, nagballag ti public prosecutor’s office a posible ti panagngato ti death roll.
Inbatad met ti gobierno nga addan iti ‘heightened alert’ dagiti ospital nga adda iti lugar kas ti panagasikasoda iti dakkel a panag-adu dagiti pasiente.
Segun iti health minister iti Egypt Dr. Khaled Abdel Ghaffara manarimaanen ti pannakataming dagiti biktima iti broken bones ken head injuries.
Nangipaay met ti Egyptian Red Crescent ti aid ken psychological support kadagiti biktima ken dagiti pamiliada iti insidente.
