LAOAG CITY – Personal nga indauloan ni Executive Secretary ken ASEAN National Organizing Council (NOC) Chair Ralph Recto ti panaginspeksion ti panagsagsagana ti gobierno para iti maiyuswat nga ASEAN Leaders’ Summit intono Nobiembre 15-17.
Impasigurado ni Recto a naurnos ti agbalin a resulta ti panagsagsagana a kas iti pammilin ni Presidente Ferdinand Marcos Jr., sumagmamano nga aldaw sakbay a sumangpet ditoy pagilian ti sumurok 20 a lider manipud iti nagduduma a pagilian.
Pakairamanan kadagiti naginspeksion ket da DTI Secretary Christina Roque, DOT Secretary Dita Angara-Mathay, DILG Secretary Jonvic Remulla, DICT Secretary Robert de Claro, DBM Secretary Kim De Leon, ken PCO Secretary Lino Cayetano, tapno maipakita ti agmaymaysa a tignay ti nagduduma nga ahensia ti gobierno.
Nagyaman met ni Recto iti sibubukel nga organizing team ken nagutigot da a pagtalinaeden ti dedikasion para iti nabatbati pay a sumurok kumurang 100 a panagtataripnong babaen ti panangidaulo ti Pilipinas.
