LAOAG CITY – Inbatad ni Engr. Shiela Opelac, mangidadaulo iti City Agriculture Office ditoy suidad ti Laoag a maysa kadagiti manarimaan nga imon-monitor dagiti mannalon ket dagiti peste.
Segun kenkuana, maysa kadagiti mangdaddadael iti mula a mais dagiti mannalon ket ti peste a maawawagan a fall armyworm.
Mainag iti daytoy, kinuna ni Engr. Opelac nga awan met pay dagiti naipadanon iti opisinada a naapektaran iti kastoy a peste ngem no inkaso man nga adda ket inpanamnamana a silulukat ti opisinada tapno pagpatulungan dagitoy.
Malaksid iti daytoy, tumultulong pay ti City Agriculture Office iti pannangkita iti kasasaad dagiti livestock aglalo ita a panawen ti tikag.
Kunana a no maipanggep iti panangtaripato a nasayaat kadagiti livestock ket adda dagiti araramidenda kaduada ti City Veterinay Office tapno maliklikan ti aniaman a saan a napintas a mapasamak aglalo iti mapaspasaran a nabara a paniempo.
Immunan iti daytoy, addan ti pannakaramid ti contingency plan ti City Agriculture office ditoy suidad ti Laoag tapno matulungan dagiti mannalon ken mangalap iti pangta ti epekto ti El Niño.
