Inpasigurado ni House Deputy Speaker Janette Garin nga agtultuloy ti trabaho ti Kongreso iti panagsagana ti national budget ken panagsungbat iti posible nga epekto ti Super El Niño kabayatan ti impeachment trial ni Vice President Sara Duterte.
Segun ken ni Garin, saan a nabaybay-an dagiti agpampanday linteg dagiti akemda gapu laeng ti panangusig. Kunana nga adda iti oras ti panagsagsagana dagiti gakat a linteg, pakairamanan ti national budget ken dagiti addang kontra iti epekto ti nakaro nga El Niño.
Inlawlawag ni Garin a saan a kinayat ti Kongraso ti impeachment proceedings ngem akem da a sungbatan dagiti reklamo a naipila maiyataday iti Konstitution.
Inpettengna a masapul a saan nga agsardeng dagiti dadduma pay a trabaho ti gobierno kabayatan nga agtultuloy ti panangusig.
Kabayatanna, nagballaag ti Philippine Atmospheric, Geophysical and Astronomical Services Administration (PAGSASA) a posible nga agpaot ti napigsa nga El Niño agingga umuna a paset ti 2027, a posible a mangitunda ti kinakurang iti tudo, tikag ken kinakurang ti suplay ti danum iti sumagmamano a lugar.
Isagsagana met ti gobierno dagiti addang tapno maprotehiran ti suplay ti taraon ken danum ken matulungan dagiti mannalon.
