Saanen a mangnamnama ti House Prosecution Panel a sumango ni Vice President Sara Duterte iti impeachment trial.
Segun ken ni House trial spokesperson ken Lanao del Sur Rep. Zia Alonto Adiong, nga agtyltuloy ti panagkedked ti bise president a saanen a sumango iti panangusig no sadinno a mabalin na nga ilawlawag ti alegasion nga adda ilemlemmeng na a saan a mailawlawag a kinabaknang.
Dinakamat ni Adiong nga adda dagiti survey a kalikagom dagiti Pilipino a mismo a sumango ni Vice Presidente Sara tapno ilawlawag dagiti alegasion kontra kenkuana a maususig iti impeachment court.
Nupay kasta, inbatad ni Adiong nga iti agtultuloy a panagkedked ti bise presidente a sumango iti impeachment trial ket mangipakita nga awan ti umdas a panangilawlawagna kadagiti alegasion a sangsangoenna wenno likliklikan na dagiti nadadagsen saludsod jontra kenkuana.
