LAOAG CITY – Inpetteng ni impeachment court presiding officer Francis Escudero ti panagbalin a lpatas ti manarimaan nga impeachment trial kontra ken ni Vice President Sara Duterte.
Kagiddan ti daytoy, inpetteng na a saanna nga awaten ti panagbalin na a bise presidente no makunbiktaran ken maikkat ni Duterte iti puesto.
Kunana nga iti salinong ti konstitusion, no mabakante ti puesto ti bise presidente, maikkan ti gundaway ti Presidente a mangirekomendar ti kasukatna manipud kadagiti miembro ti Kongreso.
Mainaig kadaytoy, inbatad ni Escudero nga adda dagiti sumagmamano a kritiko ti nangibaga a mabalin a maysa isuna kadagiti manamnama a mabalin nga irekomendar ti Presidente no makunbiktaraan ni Duterte..
Nupay kasta, inpettengna a ti panangawat na iti aniaman a nominasion ket saan a napintas a kitaen kalpasan ti panagserbina kas senator-judge iti panagusig iti Bise Presidente.
Kabayatanna, kinumpirmaran ni Escudero ti possible a panagleppas ti trial sakbay nga agngudo ti tawen 2026.
