Inbatad ni Mr. Fredie Cabrida, maysa a supulturero iti Catholic Cemetery ditoy ciudad ti Laoag nga adda ti nagngatoan ti singir da kadagiti mangayat nga agpadalos iti tanem kadagiti kamposanto.
Inlawlawag na nga iti napalabas a tawen ket agay-ayam laeng ti 800 ti panagsingir da ti kada tanem a dalusan da ngem ita ket umaboten iti sangaribo a pisos.
Kuna na a para kadagiti agpapinta ti tanem dagiti pimmusayen nga ipatpateg da iti biag ket nanginngina ti singiren da gapu ta ngimmina met ti pinta.
Innayon na a ti pagsayaatan na ket nagtalinaed dagiti customers da a regular a mangpadpadalos ti tanem dagiti kameng ti pamilya da nga isut ti pakakumikuman da iti agdama.
