Awan ti plano ti aktres a ni AZ Martinez a makisalip manen iti beauty pageant gapu ta saanna nga arapaap ti agbalin a maysa a beauty queen.
Iti Fast Talk with Boy Abunda, kuna ti aktres a saanna a makitkita ti bukodna a bagi a makisalip iti aniaman a beauty pageants gapu ta ti laeng arapaap na ket agbalin nga artista.
Kuna na a naminsan laeng a napadasan na ti nakisalip ti beauty pageant no sadinno nga iti dayta a gundaway ket saan pay a nakastrek idi iti showbiz.
Inlawlawag met ti balasang a saanna nga inusar ti pageantry tapno makastrek iti showbiz no di ket naaramid na laeng ti nakisalip idi gapu iti boredom wenno awan ti ar-aramiden na.
