LAOAG CITY – Nagkedkeden nga agkomento ni Yasser Marta mainaig iti panagsina da ken ni Robb Guinto.
Daytoy ket kalpasan a nasaludsud ken ni Yasser no apektado paylaeng iti breakup da ken ni Robb a nabara a pagsasaritaan ti publiko.
Maipalagip a nagbalin nga emosyonal ni Yasser idi sinaludsud ni Boy Abunda maipanggep iti relasyon da kenni Robb iti “Fast Talk with Boy Abunda.”
Kuna na a makumikum ti aktres kadagiti prayoridad na, idinto nga adda met dagiti ar-aramiden na para iti karera na.
Immunan a kinumpirmaran ni Robb a nagsina dan ken ni Yasser ngem naglikudan ti aktres dagiti akusasyon a saan a nagbalin a napudno iti relasyon da iti aktor.
