Manamnama a ngumato ti agingga 18% ti mappatta-patta a global price ti bagas inton sumaruno a tawen gapu iti pangta ti El Niño.
Basar iti Business Monitor International, apektaran ti nakaro nga El Niño iti panagapit ti bagas kadagiti kangrunaan a pagilian iti Asia.
Mainaig iti daytoy, manamnama pay a ngumato ti presio ti bagas iti umuna a quarter ti 2027 ken dakkel pay ti agbalin nga epekto ti El Niño iti planting cycles iti pagilian nga Asia.
Iti report ti Business Monitor International, inngatona pay daytoy ti 2026 price forecast manipud iti $12.9 mainaig iti nangatngato a presio iti maikatloa quarter ita a tawen.
Gapu iti daytoy, ngimmato iti kangatoan a lebel iti uneg ti 29 a bulan nga umabot iti $17.80 ita nga Oktubre.
Nupay kasta, inbatad ti Department of Agriculture a posible a maapektaran pay ti El Niño ti panagbaba ti produksion ti bagas, manipud iti 700,000 a metriko tonelada ket posible a makissayan iti 1 million metriko tonelada a mabalin nga agresulta iti pannakalugi ti P20 billion babaen ti kakaroan a situasion.
