Opisial a dimmawat ti pammakawan ti Hong Kong Leader a ni John Lee, mainaig iti makadadael nga uram a napasamak iti Tai Po building, maysa a tawen ti napalabas.
Iti conference, nangiparuk-at ti lider dagiti report mainaig iti uppat a government departments a rumbeng nga agbalin a responsible iti napasamak a safety complaints.
Basar iti reporma nga inparuk-at ni Lee, nakalaon ditoy ti ad-adda a paigetan iti kinatalged ken kinaurnos maipanggep ti building industry. Pagpukosan pay ti sistematiko a regularidad dagiti pasdek.
Maipalagip a nangitunda ti umabot 168 nga indibidual ti natay iti pito a 31-storey tower blocks iti Wang Fuk Court residential complex no sadinno nairaman pay ti under renovation a building iti Tai Po district gapu iti panagwaras ti uram iti dust netting ken scaffolding-na daytoy.
Segun iti Hong Kong leader, nga agladingit daytoy iti napasamak nga uram maysa a tawen ti napalabas ken kalikagumna a dumawat ti pammakawan kadagiti amin a naapektaran a residente ken publiko.
Inanunsio pay ni Lee ti panagbaba ti puesto ni Hong Kong Housing Secretary Winni Hoo.
Nangdutok met ti gobierno ti Hong Kong ti independent team tapno imbestigaren no siasinno nga opisial ti rumbeng nga agsungbat ken ammoen dagiti maitutop nga addang a pangdisiplina kontra kadakuada.
Basar iti pakasaritaan ti Hong Kong a daytoy ti kakaroan a makadadael nga insidente iti siudad manipud idi 1948 no sadinno rinibu a residente ti napukawan ti pagtaengan kalpasan ti uram.
