Nagyaman ti Office of Civil Defense (OCD), iti babaen ken ni Spokesperson Emirito Junie B. Castillo III, kadagiti lokal a gobierno ken publiko iti balligi a pannakipaset iti Nationwide Simultaneous Earthquake Drill (NSED) idi kalman, Nobiembre 5.
Kagiddan daytoy ti panagselebrar iti World Tsunami Awareness Day tapno papigsaen ti awareness ken preparedness ti pagilian kontra kadagiti pangta ti kalamidad.
Basar iti ahensia, agtultuloy a dumakdakkel ken umad-adu dagiti makipaspaset manipud iti kapada a tukad ti gobierno ken nagduduma ak korporasion iti pribado a sektor.
Kangrunaan nga intampok iti aktibidad ti “duck, cover, and hold” protocol tapno asaen wenno paimbagen ti natural a reaksion dagiti umuli no adda tumama a napigsa a ginggined.
Karaman pay dagiti naiyuswat a simulation ti pannubok iti komunikasion, koordinasion ken kinaalisto a panagbakwit usar ti nagduduma a scenario basar iti lokasion.
Gagem iti daytoy nga addang a matingiting dagiti agdama a pagkurangan iti disaster response plans, partikular kadagiti komunidad nga adda iti kabaybayan ken adda nangato a pangta ti tsunami at may mataas na banta ng tsunami.
Gapu iti daytoy, ginutigot ti Office of Civil Defense (OCD) ti tunggal pamilia nga agtinnulong, pagsaritaan iti pagtaengan ti umno nga evacuation plan, ken ammoen dagiti natalged a pagtitipuan para iti kinatalged iti amin manipud iti pagadalan agingga iti komunidad.
