LAOAG CITY – Kiniddaw ni Mayor Mark Christian Chua kadagiti residente ti siudad ti Batac ti saanda a panagdanag iti nakaro nga epekto ti El Niño no diketdi masapol a saganaanda daytoy.
Inbatadna a basar kadagiti datos manipud kadagiti scientist ken kasta pay dagiti maipadpadamag a makapasar ti pagilian ti nakaro a pudot ita a tawen.
Kinunana nga ita ta nasapa pay ket masapol a sursuruen dagiti residente ti agurnong ken agin-inot ti danum.
Mainaig iti daytoy, babaen iti panagtitinnulong dagiti residente iti siudad ket namnamaen ni Chua ti naanayas a panangimanihirda iti super El Niño.
Kabayatanna, inpasigurado ni Mayor Markee Chua a sisasagana ti lokal a gobierno ti siudad ti Batac a mangtulong kadagiti residente tapno mamitigar ken makissayan ti nakaro nga epekto ti tikag.
