Nakompleto ti maysa a lalaki nga agtawen ti 78 ti 43rd New York City Marathon idi Nobiembre 1 kalpasan ti nasurok 14 nga oras a panagtaray na.
Basar iti maysa a video iti social media nga in-upload ti maysa met laeng a runner a ni Jason Hill, makita ti agtawen 78 a lalaki a ni James Thomas a dandani iti finish line iti Central Park. Idinto a nakagun-od ni Thomas ti ‘hero’s welcome’ wenno palakpakan manipud kadagiti tattao kabayatan ti panagleppasna ti 26.2 miles a kaadayu sakbay ti tengnga ti rabii.
Naamoan a ni Thomas ti kaudian a nakadanun iti finish line.
Nu man pay addo ti panagsardeng ni Thomas iti marathon course ken ti kinabannog na, inkarigatan na a leppasen ti marathon.
Gapu iti daytoy, saan laeng a medalia ti nagun-od ni Thomas no di ket suporta manipud kadagiti sumagmamano nga indibidual.
