Indasar ti Department of Health (DOH) ken Philippine Health Insurance Corporation (PhilHealth) dagiti baro nga addang tapno mapalawa dagiti serbisyo para iti Human Immunodeficiency virus iti pagilian.
Karaman kadagiti kangrunaan nga addang ti pannakairaman ti HIV testing iti programa a YAKAP ken panangipasigurado nga adda ti umdas a supply dagiti agas.
Papigsaen pay ti HIV awareness kadagiti pagadalan, opisina, ken komunidad tapno agbalin nga ad-adda a silulukat ti ammo ti publiko.
Karaman pay iti plano ti pannakapapigsa ti treatment monitoring, nalawlawa nga access iti Pre-Exposure Prophylaxis (PrEP), ken pannakapasayaat ti serbisyo dagiti primary care facilities ken social hygiene clinics.
Segun ken ni Health Secretary Edwin Mercado, kabaelan a makontrol ti HIV iti babaen ti agtultuloy a panagtumar ti agas.
Gapu iti daytoy, naipangato iti ₱58,500 manipod iti dati a ₱30,000 ti tinawen a coverage ti PhilHealth Outpatient HIV/AIDS Treatment (OHAT) package kas paset ti Unified National Agenda (UNA) for Health.
