LAOAG CITY – Ginutigot dagiti heath authorities ditoy probinsia dagiti tattao nga agadaptar iti pro-active measures kontra iti risgo iti salun-at a mabalin nga itunda ti El Niño phenomenon.
Babaen ti pro-active water conservation ken ti kinaadda ti ammo ti publiko ket kalikagum dagiti opisial ti probinsia a makaestablisar ti community resilient ken maprotehiran dagiti vulnerable a pamilya.
Inbatad ni Dr. Rickson Balalio ti Provincial Health Office ti Gov. Roque Ablan Sr. Memorial Hospital (GRBASMH) a ti nasao a pananggutigotda ket tapno mamanehar ti agbalin nga epekto ti El Niño.
Kiniddawna ti amin nga agsagana para iti El Niño babaen ti saan a panagsayang ti danum tapno masigurado nga adda ti nadalus a danum a mainum dagiti tattao.
Inpettengna a napateg dagiti prayoridad iti panangsaluad dagiti ubbing, senior citizen ken dagiti indibidual nga adda ti sagsagabaenna a sakit.
Kabayatanna, kinunana a no makapasar ti maysa nga indibidual ti panagkapsot, panagsakit ti ulo ken ti pannakarigat nga umanges ket masapol nga agpakonsultar dagitoy iti eksperto.
