Agladladingit iti industriya ti showbiz kalpasan ti ipupusay ti komedyante a ni Gil Aducal Morales, wenno ad-adda nga am-ammo iti naganna nga Ate Gay.
Pimmusay ni Ate Gay idi kalman Nobyembre 1, 2026, iti tawen a 55 kalpasan ti pannakilaban na iti sakitna a cancer.
Basar iti pamilya ti komedyante, pimmusay ni Ate Gay kabayatan a nakapalawlaw kenkuana dagiti ipatpategna iti biag.
Nagyaman met ti pamilya ni Ate Gay iti amin a nangidanun ti kararag, nangipaay ti tulong pinansyal, suporta ken nangipateg iti komedyante iti panawen a pannakilaban na iti sakitna.
Maipalagip a sakbay ti ipupusay ti komedyante ket nagbalin a viral ti living funeral a naisagana para kenkuana idi Oktubre 15, 2026, iti Forest Lake Memorial Parks iti Biñan, Laguna.
Iti nasao a living funeral, naaddaan ti gundaway ti pamilya, papagayam ken dagiti amin nga ipatpateg na iti biag nga iparikna kenkuana ti panangipateg da kabayatan a sibibiag pay.
