LAOAG CITY – Ibilang ti Provincial Disaster Risk Reduction and Management Office nga idadauloan ni Mr. Marcel Tabije a generally peaceful ti probinsia kabayatan ti panangobserbar iti all saint’s day ken all souls day.
Segun ken ni Tabije, awan dagiti report a naipadaanon kadakuada a napaspasamak kabayatan ti panagbisita dagiti tattao iti kamposanto.
Kinunana a kaadoan nga ili ditoy probinsia ket iti aldaw ti Nobiembre uno ti ipapan dagiti tattao iti kamposanto ngem nupay kasta ket nagtalinaed ti pammilinda kadagiti Local Disaster Risk Reduction and Management Office nga itultuloyda a monitoren dagiti ilida.
Kabayatanna, mangnamnama ni Tabije nga agtalinaed ti kinatalna ti aglawlaw iti daytoy a holiday season.
