LAOAG CITY – Inpakaammo ti Parañaque Integrated Terminal Exchange (PITX) a saan pay a naka-fully booked dagiti biahe agingga Nobiembre 3.
Basar iti datos nga inparuk-at ti Parañaque Integrated Terminal Exchange (PITX), ita nga aldaw, Nobiembre 1, umabot iti 32.56% ti booking status dagiti biahe nga agturong iti Bicol, 25.90% iti Laguna, Batangas ken Quezon wenno Labazon, 30.19% iti North Luzon, 9.09% iti Mindoro ken 19.64% iti Visayas ken Minadanao.
Para met dagiti biahe iti Nobiembre 2, umabot iti 26.03% ti booking status nga agturong iti Bicol, 6.70% iti North Luzon ken 6.54% iti Visayas ken Mindanao, idinto nga awan pay ti nairekord a booking para iti Laguna, Batangas, Quezon ken Mindoro.
Manamnama met ti panagtalna dagiti biahero iti Nobiembre 3, kageddan ti panagsubli ti klase ken trabaho.
Kabayatanna, idi kalman, Oktubre 31, nairekord ti kangatoan a panagsangpet dagiti pasaheros kadagiti ruta a banbantayan ti Parañaque Integrated Terminal Exchange (PITX).
