Inbatad ni P/Maj. Antonio Marzan, ti Chief of Public and Community Affairs Division Unit, nga adda ti maestablisar a Police Assistance Desk kadagiti amin a kamposanto ditoy probinsia para iti Undas 2026.
Inlawlawagna a daytoy ket maysa kadagiti estratehiya tapno matulongan da dagiti umili iti aniaman a problema da wenno mangbayabay kadakuada.
Mainaig iti daytoy, kunana nga addan ti koordinasion da kadagiti kameng ti pulisya a maideploy kadagiti nagduduma a kamposanto iti probinsia tapno mapagtalinaed ti linak, urnos, ken talna kadagiti lugar.
Innayon na nga addanto pay dagiti maipaskil nga hotline numbers kadagiti Police Assistance Desk kangrunaan para iti Emergency Health Related Concerns ken ti Unified 911.
