Nakasaganan dagiti nagduduma a department heads ditoy ciudad ti Laoag a magdependar ti budget da para iti 2027, kalpasan a naitransmiten iti Sangguniang Panlungsod para iti panangtingiting ken panangaprobar da.
Segun kenni Laoag City Mayor James Bryan Alcid, target da a maipangato iti revenue iti lokal a gobierno isut gapuna nga ad-adda pay nga intandudo da iti ekonomiya ditoy siudad.
Namnamaen ti Mayor a dagiti nagduduma a departamento ket maipresentar ken mailawlawag da a naimbag dagiti programa ken proyekto a pakailatangan iti pondo iti opisin da para iti sumaruno a tawen.
Inpakaammo ti mayor nga umabot iti nasurok a P1.6-bilyon a pisos ti nailungalong a pondo ti ciudad para iti tawen 2027, nangatngato ti agarop 10 a porsiento no ikompara ti pondo ita a tawen.
Immuna iti daytoy, naisayangkat iti budget harmonization meeting dagiti nagduduma nga opisina ti siudad tapno maisagana da dagiti pondo a maipresentar ken dependaran da.
Innayon na a kaaduan kadagiti nailatangan ti pondo ket iti social services ken pannakasapul ti lokal nga ekonomia.
