Target ti Philippine Coast Guard (PCG) ti zero maritime incident ita nga Undas gapu ti manamnama a panagado dagiti pasaheros nga agawid kadagiti probinsia.
Mainaig iti daytoy, manarimaan ti koordinasion dagiti vessel operators ken shipping companies tapno sungbatan ti posible a safety risks sakbay nga agbiahe dagiti barko.
Basar iti Coast Guard, mangi-deploy da ti 17,000 a kameng ti coast guard iti intero a pagilian para iti undas 2026 tapno maliklikan ti insidente iti kabaybayan iti baet ti manamnama a panagado ti pasaheros.
Manarimaan pay ti pannakikordinar da iti Maritime Industry Authority (MARINA), Philippine Ports Authority (PPA) ken dadduma pay a maritime stakeholders tapno idauloan ti garaw ti pasaheros ken sungbatan ti safety concerns kadagiti pantalan ken barko.
Kabayatanna, inrekord pay ti Philippine Coast Guard (PCG) a nangi-deploy da ti rubber boat tapno mangiwayat ti maritime patrol ken law enforcement operations iti Lawak Island tapno pagtalawen ti maysa a barko ti gangannaet.
Impetteng ti Philippine Coast Guard (PCG), babaen ti international law, adda ti sibubukel a soberanya ti Pilipinas iti territorial sea no sadinno a maipawil ti panagkalap dagiti barko ti gangannaet nga awan ti permisona.
