LAOAG CITY – Nangiwayat ti joint search and rescue exercise (SAREX) ti Philippine Coast Guard (PCG) ken ti United States Coast Guard (USCG) iti kabaybayan a paset ti North Palawan idi Oktubre 14, 2026, kas paset ti tarigagayda a papigsaen ti kooperasion ken kinasagana kadagiti operasion iti kabaybayan.
Nakipaset iti panagsanay ti BRP Suluan (MRRV-4406) ti Philippine Coast Guard ken ti United States Coast Guard Cutter (USCGC Bertholf) ti United States Coast Guard.
Simmentro ti nasao a panagsanay iti pannakaipapigsa ti koordinasion iti search and rescue operations ken iti komunikasion.
Kabayatanna, iti babaen ti nasao a panagsanay, manamnama a pumigsa ti koordinasion ti Philippine Coast Guard (PCG) ken ti United States Coast Guard (USCG), a masapol kadagiti maiwayat a nagduduma nga operasion tapno mapagtalinaed ti kinatalged ken kinatalna iti kabaybayan.
