Inbatad ni Rodante Orbillo, maysa a retirado a Marine ken maipagarup a dati a bagman, iti Sandiganbayan nga inangawna ni Benny Bulontate ti ‘paldo’ kalpasan ti panangibutaktakna a nakaawat daytoy ti kwarta a kasukat ti panangibabawina iti testimoniana.
Nangipay ti rakurak ni Orbillo iti maikatlo a dibision ti anti-graft court iti panagdengngeg iti piyansa ni dati nga House Speaker Martin Romualdez, mainaig ti maipagarup a P7.44 bilyon a kickback manipud kadagiti proyekto a pang-imprastraktura.
Segun ken ni Orbillo, saan a mamati daytoy iti panangibabawi ni Bulontate iti testimoniana gapu ta kunana nga adda kasukat na daytoy.
Inbatad ni Orbillo nga impakaammo ni Bulontate ti mainaig iti kuwarta idi nagkita dagitoy iti maysa a korte iti Las Piñas City no sadinno a madengdengngeg iti kasoda a cyber libel.
Kinuna pay ni Bulontate nga ‘small’ ti gatad a naawat daytoy ngem saanen a nangipaay ti eksakto a gatad.
