LAOAG CITY – Mangidasar ti Department of Foreign Affairs ti diplomatic protest kontra iti China mainaig iti maipagarup a panagpaputok ti flares ti People’s Liberation Army nga agturong ti maysa nga unarmed Philippine Coast Guard aircraft a mangisaysayangkat ti maritime domain awareness flight iti Kalayaan Island Group.
Basar ken ni Misamis Occidental 2nd District Representative Sancho Fernando Oanimal nga ur-urayen pay laeng ti Department of Foreign Affairs ti detalyado nga incident report sakbay ti pormal a mangisagana ti protesta.
Ginutigot met ti Philreca Party-list Representative Presley de Jesus ti Department of Foreign Affairs nga mangidasar pay ti protesta mainaig ti note nga inyawat ken ni Defense Secretary Gilberto Teodoro Jr. kabayatan nga adda iti Seoul defense dialogue iti South Korea no sadinno maipagarup nga aglaon iti panangkontra ti China iti West Philippine Sea arbitral award.
Kuna ni Oanimal a nasaysayaat a resolbaren ti nagduduma a posision iti babaen ti naipatungpal a diplomatic channels ken maiyataday iti courtesy ken professionalism iti international engagements.
Nupay kasta, kuna ti Department of Foreign Affairs a respetarenna dagiti rakurak ni Teodoro ken agtultuloy ti panagsungbatna iti babaen ti diplomasia dagiti nadakamat nga insidente.
