Simmuko ti maysa a co-accused wenno kapada nga akusado da Leyte Rep. Martin Romualdez ken dati nga Ako Bicol Rep. Zaldy Co gapu iti kaso a plunder iti Sandiganbayan ita nga aldaw, Nobiembre 20 idiay National Bureau of Investigation.
Segun iti Office of the Ombudsman, ti simmuko a ni Felicito Gueverra, ti Presidente ti Samchan Foreign Exchange Corp. ket naipaayan ti conditional immunity gapu ta napateg ti tesmonia ken rekord na tapno maiestablisar ti kinapudno iti kaso.
Mainaig iti daytoy, insubli amin ni Samchan iti Bureau of the Treasury iti amin nga urnong na manipud kadagiti kwestionable a transaksion.
Nupay kasta inbatad ti Ombudsman a ti ‘restitution’ ket saan na a maikkat ti criminal liability ken saan pay daytoy a pangibasaran ti immunity.
Babaen ti ‘conditional’ immunity, rumbeng a makikooperar ni Guevarra “fully and truthfully’ a i-turn-over wenno ipaima dagiti amin a rekord ken devices ti Samchan, agtalinaed iti pagilian ken agtalined babaen ti proteksion ti Department of Justice.
Kabayatanna, inbatad ti Ombudsman a no adda saan a masurot kadagiti kondision, makanselar ti immunity ni Guevarra ken agtuloy ti proseksion kenkuana.












