Naragsak nga inpakaammo ti Department of Tourism (DOT) a maaddan ti napintas a napastrekan dagiti negiosiante a karaman iti hub ti micro, small and medium enterprises (MSME) iti ASEAN International Media Center iti World Trade Center iti Pasay City.
Basar iti panangtingiting ti ahensia, umabot iti sumurok P900,000 ti napastrekan manipud iti soft-opening ti nadakamat a hub idi Nobiembre 11.
Ti “Philippine Experience” ket inorganisar ti Department of Tourism ken ti Presidential Communications Office (PCO) no sadinno makita ti sumagmamano a produkto nga ipanpannakkel iti Pilipinas.
Adda dagiti kiosk no sadinno maramanan dagiti ipanpannakkel a taraon manipud Luzon, Visayas ken Mindanao.
Segun ken ni Tourism Secretary Dita Angara-Mathay a ti hosting ti Pilipinas ti ASEAN ket nangipaay ti gundaway tapno itampok ken maipannakkel ti Pilipinas dagiti produkto ditoy iti intero a lubong.
Kunana a kas bilin kadakuada ni Presidente Ferdinand Marcos Jr. a ti panag-host ti Pilipinas ti ASEAN ket masapul a gundawayan tapno maipaiyamammo ti ipannnakel a produkto ti pagilian.












