LAOAG CITY – Inbatad ni Ms. Anne Marie Lizette B. Atuan, mangidadaulo ti Provincial Public Employment Service Office nga ado dagiti manamnama nga aktibidad ken programa iti opisinada.
Maysa nga aktibidad a naisayangkat iti daytoy a tawen ket ti Career guidance and Advocacy program a pinasetan dagiti estudiante ti Grade 10 ken Grade 12.
Ti Career Guidance and Advocacy Program ket naisayangkat tapno matulongan dagiti estudiante ti Grade 10 ken Grade 12 iti panangpili kadagiti umiso a kurso, bokasion, wenno trabaho a kalikagumda a suroten kalpasan ti panagadalda.
Babaen iti daytoy, maipakaammo kadakuada dagiti mabalin a pagadalan, oportunidad iti trabaho ken dagiti kasapulan nga skills a makatulong iti panangplano iti masakbayanda.
Kinuna ni Atuan a daytoy a proyekto ti Provincial Public Employment Service Office ket nagbibinnuligan ti Department of Education, Department of Labor and Employment (DOLE) ken dagiti nagduduma a pagadalan ditoy probinsia.
