LAOAG CITY – Narugianen ti Impeachment trial kontra ken ni Paraguay President Santiago Peña, sumagmamano nga aldaw sakbay ti panagbagsak ti Ueno Bank a maipagarup nga adda pakainaiganna.
Naisyuwat ti panagdengngeg kalpasan nga inpila ni Peña ti panagikkatna iti puesto.
Nupay kasta, intantan ti Kongreso ti panagikkatna tapno ituloy ti panagdengngeg iti panangusig.
Mainaig iti daytoy, mapatta-patta a tallo a milyon a depositor ti naapekaran kalpasan a kontrolen ti Central Bank ti Ueno Bank ken i-freeze dagiti account daytoy.
Sumangsango ni Peña kadagiti alegasion a conflict of interests gapu ta kukua na a dati dagiti shares iti kompanya nga adda kontrol na iti nasao a bangko.
Kabayatanna, rinibo met nga indibidual ti nangiwayat ti tignay-protesta ken agpannawagan a sungbatan ti presidente iti panagbagak ti bangko.
Nagkiddaw ni Peña ti 72 nga oras wenno 3 nga aldaw tapno agsagana ti depensana. Kunana a naawat na ti agarup 300 a panid ti dokumento nga akusasion kontra kenkuana.
