Umabot iti 359 dagiti benepisiario iti Tulong Panghanapbuhay sa Ating Disadvantaged/Displaced Workers wenno TUPAD iti ili ti Badoc
Daytoy ti inpakaammo ni Mayor Virgilio Calajate iti nadakamat nga ili.
Kunana a pormalen a nairakurak dagiti benepisiario iti nasao a programa iti Department of Labor and Employment.
Inlawlawagna a dagitoy a benepisiario ket agtrabaho iti uneg ti 10 nga aldaw ken adda dagiti lugar a a nadeterminar a pagdalusanda.
Nupay kasta, saan a karaman ti aldaw ti Sabado ken Domingo a panagtrabaho da.
Kabayatanna, inpakaammo ni Calajate a ti mismo Department of Social Welfare and Development ti ag-screen kadagiti nagan dagiti ag-miembro ti TUPAD tapno makitada a dagus iti rekord da no dagitoy ket nagdoble wenno saan pay a nagtrabaho.
