Inpetteng ti Department of Agriculture (DA) a kasapulan latta ti panagangkat ti sumagmamano a produkto, kangrunaan na ti bagas sakbay kumaro ti epekto ti epekto ti El Niño iti pagilian.
Iti Kapihan iti Manila Bay, inbatad ni DA Spokesperson Assistant Secretary Arnel de Mesa a saan a rumbeng nga urayen a maikabil iti alanganin ti suplay sakbay nga aggunay ti gobierno.
Kuna na a nupay umdas paylaeng ti agdama a suplay, kasapulan a manayunan daytoy kas panagsagsagana no kumaro ti nakaro a tikag.
Aminado ni De Mesa a mabalin nga ado dagiti mangbabalaw iti DA gapu iti importasyon, ngem nasaysayaat nga agbalin a nakasagana ngem ti iyuray paylaeng nga agkurang ti suplay.
Inpaganetget na a saan laeng a ti Pilipinas ti apektado ti El Niño no di ket uray dagiti dadduma a pagilian a pagang-angkatan ti produkto.
Innayon ni De Mesa a nakatutok iti agdama ti ahensya iti sitwasyon dagiti mannalon ken mangngalap a nakaro a naapektaran ti nakaro a kinabara ti panawen ken agar-aramid da metten ti addang tapno maipaayan dagitoy ti kasapulan a tulong.
