LAOAG CITY – Inpasigurado ti Malacañang ti nasapa a panagsaga ti gobierno iti posible nga epekto ti Super El Niño iti intero a pagilian, partikular iti Cagayan Valley a manamnama a makapasar ti nakaro panagtikag.
Segun ken ni Palace Press Officer Undersecretary Claire Castro, nangipaayen ti gobierno idi Hunio 23, 2026 dagiti irrigation pipe ken makinarya a mausar iti panagtalon kadagiti komunidad dagiti mannalon iti probinsia tapno mapasayaat ti sistema ti irigasion kas paset ti panagsagsagana iti nakaro a panagtikag a manamnama a mapasaran iti intero a pagilian.
Innayon pay ni Castro, a nangiyallokar ti gobiero ti P20 million para iti pananggatang ti solar-powered water pumps a makatulong kadagiti mannalon tapno maaddaanda ti alternatibo a pagalan ti suplay ti danum a pagsibog kadagiti mula.
Kabayatanna, nangiyallokar met ti Department of Agriculture ti kanayunanna pay a P17.9 millon para met kadagiti farm inputs tapno mapapigsa pay ti kinasagana ti sektor ti agrikultura iti posible nga epekto ti Super El Niño.
