LAOAG CITY – Inrakurak ni Ms. Shey Pia Abaya, mangidadaulo iti Public Employment Service Office ditoy suidad ti Laoag a saanda laeng nga akomodaren dagiti agsararak trabaho manipud iti siudad nudiket pakairamanan manipod kadagiti kabangibang pay a lugar.
Segun kenkuana, saan laeng nga agpatingga iti opisinada dagiti resume, nudiket maipasa iti sabali pay a kompania a maiyataday kadagiti skills ken kabaelan da nga aramiden.
Inlawlawagna nga adda latta dagiti kompania nga agkidkiddaw kankuada ti tulong tapno agsarak kadagiti agkalikagom nga agtrabaho.
Mainaig iti daytoy, kunana a kasapulan da ti agturong nga umuna iti opisinada tapno agisubmitir ti resume ken adda ti pirmaanda a form kas maysa a kasapulan ti Department of Labor and Employment wenno DOLE.
Daytoy ket agserbi kas pagibasaran ti Department of Labor and Employment ti bilang dagiti unemployed nga indibidual nga agkasapulan pay ti tulong ditoy probinsia tapno makaaramid da ti addang tapno matulongan dagiti awan pay trabahona.
Kabayatanna, ginutigot ni Ms. Abaya dagiti awan pay ti trabahona nga agturong ti opisinada tapno matulongan ken maiyasidegda kadagiti kompania nga agkasapulan pay ti agtrabaho.
