LAOAG CITY – Impakaammo ni Miss. Pia Shey Abaya, mangidadaulo iti Public Information Office ditoy siudad ti Laoag a ti unos ti maysa a tawen a panagtugawna kas mangidadaulo iti nasao a pagopisinaan ket awan pay ti inreklamoda a kompanya a nakastrekan dagiti nagaplikar kabayatan dagiti naisaysayangkat a job fair nga inyuswat ti siudad.
Kinunana nga idi laeng napalabas ket adda laeng ti report a naipadanoon kenkuana babaen iti maysa nga indibidual maipanggep iti panagaplikarna.
Inlawlawagna a maipagarup a ti naidiaya a trabaho kekuana kabayatan iti job fair ket saan nga agpada kadagiti dokumento nga insubmitirna a kasapulan gaputa sabali metten ti trabaho a nakailanad.
Mainaig iti daytoy impakaammona a mangisaysayangkatda ti panagbisita kadagiti indibidual a na hired kadagiti nagduduma kumpanya tapno masigurado ken maamoan dagiti problemada.
