LAOAG CITY – Maipatungpal inton Oktubre 26 ti nayon ti sueldo agingga P45 iti kada aldaw para kadagiti minimum wage earner iti CALABARZON.
Katukadna daytoy ti agingga P1,170 a nayon iti binulan a sueldo dagiti mangmangged iti rehion.
Basar iti Wage Order No. IVA-23, agduduma ti agbalin a panagngato ti sueldo depende iti sektor ti trabaho ken katergioria ti munisipalidad.
Segun iti National Wages and Productivity Commission (NWPC), sumurok P1.56 million ti minimum wage earner iti CALABARZON ti mabenepisiaran iti baro a wage adjustment.
Inaprubaran ti nayon a sueldo iti babaen ti tripartite mechanism a pakairamanan dagiti mangibagbagi dati empleado, employer ken gobierno kalpasan ti panangtingiting ti agdama a kasasaad ti pang-ekonomia ti rehion.
Inpasigurado met ni Labor Secretary Francis Tolentino a naiget a banbantayan ti Department of Labor and Employment wenno DOLE Regional Office 4A ti panangipatungpal ti baro a wage order tapno masigurado a sumurot dagiti establishimento kadaytoy.
