LAOAG CITY – Binalakadan ti Philippine Embassy idiay Paris dagiti Pinoy iti France nga agisagana ti 72-hour emergency kits kas paset ti panagsagsagana gapu iti agtultuloy a tignay-protesta iti nasao a pagilian.
Iti rakurak nga inruar ti embahada, binalakadan ti French authorities ti publiko nga agsagana ti emergency supplies tapno mapaigetan ti kiansagana iti posible a krisis.
Mainaig iti daytoy, nabalakadan met dagiti Pinoy ti agnanayon a panangitugotda kadagiti napateg a dokumento kas ti passport ken residence permits.
Pakairamanan ditoy ti panangitugot da ti kuarta a euro kas reserba no bilang saan a gumana wenno mausar dagiti electronic payment system.
Malaksid iti daytoy, nagduduma met a labor union ti mangiwayat manen ti sabali a tignay-protesta ken dagiti demonstrasion inton Nobiembre 5 tapno agpannawagan ti nangato a sueldo, riingen ti gobierno nga ipaayan tignay ti nangato a demand ti panagbiag, ken naurnos a serbisio publiko.
Kabayatanna, segun iti embahada, nakasaganada a mangipaay ti kanayonan a tulong kadagiti Pilipino no kasapolanda daytoy.
