LAOAG CITY – Kinettel ti maysa a lalaki ti bukodna a biag iti ili ti Pagudpud.
Ti lalaki ket agtawen 58 a residente iti Barangay Saud iti ili ti Pagudpud.
Segun ken ni P/Maj. Lester Dabbay, ti hepe ti Pagudpud Municipal Police Station, nga agarop alas dos ti malem idinto a nakita ti apoko ti biktima ti bagina a nakabitin iti uney ti maysa a warehouse wenno bodega iti paset ti pagtaenganda no sadinno a ditoy a nakapenpen dagiti dadduma nga nga alikamenda a pamilia.
Basar iti imbestigasionda, maatap a ti rason ti insidente ket ti nadagsen a marikrikna ti biktima ken ti panagladingitna iti ipupusay ti inana a nagitunda ti pannaka-stress-na.
Kabayatanna, pinlagipan ti hepe dagiti kailianna ti naiget a panangbantay kadagiti kapamilia wenno papagayamda no masansan ti saan a gagangay a garaw ti pamiliada.
Naamoan a nakamansayang pay laeng ti ina ti biktima iti mismo a pagtaenganda.
