Inanunsio ti Department of Foreign Affairs (DFA) ita nga aldaw, Nobiembre 14 a naikeddeng a maiestablisar ti ASEAN Maritime Center iti pagilian.
Daytoy ti inbatad ni Department of Foreign Affairs (DFA) Secretary Ma. Theresa Lazaro iti maysa a press briefing iti International Media Center iti Pasay City.
Segun ken ni Lazaro ti nadakamat a center ket agserbi kas knowledge hub ken support platform para iti maritime–related initiatives ken issues, maitunos iti prioridad a nabigbig ti ASEAN member states.
Iti maudi nga statement, inpettengna ti kasapulan a papigsaen ti maritime security ken cooperation iti ASEAN member states.
