LAOAG CITY – Opisial a simmango kas umuna a testigo ti depensa ni Davao City Assessor Engr. Jaime G. Adalin iti panagtultuloy ti impeachment trial ni Vice President Sara Duterte ita a Lunes, Nobiembre 9, 2026.
Inprisintar ni defense counsel Atty. Lindon Miguel Bacquel ni Adalin tapno paneknekanna dagiti sanikua a sakupen ti maysa a Transfer Certificate of Title (TCT) no nainkalintegan met laeng ti panangideklarar ti Bise Presidente kadagiti sanikuana iti Statement of Assets, Liabilities, and Net Worth wenno SALN-na.
Nupay kasta, insigida a kwinestionaran ni prosecution counsel Atty. Benjamin Tolosa Jr. ti kalikagum ti depensa, no sadinno inpettengna a saan a kabaelan a paneknekan ti testigo no dagiti sanikua iti SALN ket kapada iti adda iti TCT gapu iti makitkita a “glaring discrepancy” partikular iti acquisition value-na.
Iti baet ti panagusig, kiniddaw ni Atty. Bacquel ti insigida a suspension ti trial para iti pannakatingiting dagiti kanayunan pay a dokumento nga iggem ti testigo.
