Maisagsaganan dagiti dadduma a tulong manipud iti National ken Regional Office, Provincial Government of Ilocos Norte (PGIN), ken lokal a gobierno ditoy Siudad ti Laoag para kadagiti biktima ti uram iti Barangay Nalbo ditoy ciudad.
Segun ken ni Ms. Perlita Cabello, mangidadaulo iti City Social Welfare and Development Office (CSWDO), malaksid kadagiti tulong a naipaay dan kadagiti naapektaran a pamilia, adda pay dagiti dadduma a tulong a sumaruno a maawatda.
Inbatad na a naisumitir dan ti proposal tapno makaawat iti pinansial a tulong manipud iti gobierno probinsyal dagiti naapektaran a pamilya.
Malaksid iti pinansial a tulong manipud iti gobierno probinsyal, manamnama a makaawat pay dagiti maseknan a pamilia iti sag-P30,000 manipud iti lokal a gobierno ditoy ciudad ti Laoag.
Innayon ni Cabello a nakasaganan ti CSWDO a mangala kadagiti relief items nga aggapo iti Regional Office tapno maipaay kadagiti biktima ti uram.
Kabayatanna, nagpanawagan ni Cabello kadagiti naapektaran a pamilia nga aganus da nga aguray kadagiti sumaruno a tulong, gapu ta masapol a maiproseso nga umuna dagitoy.
Maipalagip nga umabot iti 4 a balay iti nauram a nakaapektaran iti 6 a pamilya iti Brgy . Nalbo ditoy siudad ti Laoag idi Oktubre 30, 2026.
