LAOAG CITY – Nalukatanen ita nga aldaw, Nobiembre 11, 2026 ti International Media Center iti World Trade iti Pasay City tapno agserbi kas working area dagiti lokal ken gangannaet a journalists nga ag-cover iti ASEAN Summit.
Mapatta-patta a lima a ribo a delegado, lider ti nagduduma a pagilian ken journalists ti manamnama nga agatendar iti tallo nga aldaw a panagtataripnong.
Mainig iti daytoy, mangnamnama ti Malacañang a mangitunda daytoy ti adado a turista ken manglukat ti oportunidad para kadagiti lokal a kounidad ken babassit a negosio.
Gundaway pay daytoy tapno maipakita kadagiti gangannaet a bisita ti kinapintas ti Pilipinas ken nabara a panangsarabo dagiti Pilipino.
Kabayatanna, agtalinaed a silulukat ti media center agingga Nobiembre 17, kageddan dagiti aktibidad ti summit a maiyuswat manipod Nobiembre 15 agingga 17.
