Nagpanawagan manen ni Senador Christopher “Bong” Go iti Philippine Health Insurance Corporation (PhilHealth) a palawaen dagiti benepisyo para kadagiti pasyente nga addaan ti systemic lupus erythematosus (SLE) wenno lupus tapno makissayan ti magastos da iti napaot a panagpaagas.
Segun ken ni Go, vice chairperson ti Senate Committee on Health, napateg a masolusyunan, saan laeng a ti magastos iti panagpaospital no di ket agbalin a regular a konsultasyon, laboratory examinations, maintenance medications ken dadduma pay a kasapulan iti medikal dagiti pasyente.
Ti lupus ket maysa a chronic autoimmune disease no sadinno nga apektaran ti immune system dagiti bukod a tissue ken organ ti bagi, karaman ti bato, puso, bara, kudil ken dagiti susuop.
